असार ७ निसें दक्व बैंक चालिगू
बछलाथ्व अष्टमी ११४१, असार ४ शुक्रवाः
बैंकर्स संघं असार ७ गते निसें बैंकया फुक्क शाखाय् कारोबार चकं यायेगु न्ह्यथंगु दु ।
सरकारं थ्वहे असार ७ गते निसें निषेधाज्ञायात छ्वासु्केगु न्ह्यथंगु नापं संघं बैंकया फुक्क शाखाया सेवा पूवंक कथं न्ह्याकेगु निर्णय याःगु खः । कोरोना महामारीया हुनिं आः बैंकतयेसं सीमित शाखापाखें पालंपाः जक सेवा बियाच्वंगु दु ।
अथेहे निक्षेप लिकायेगु व तयेगु सेवा जक सञ्चालनय् दुसा शाखा नं २ ता ई तक्क जक सञ्चालनय् दु् । आः ५०द्वः सिवें म्होया निक्षेप नं स्वीकार याइगु जूगु दु ।
थ्वयान्ह्यः बैकय् भीडभाड अप्वःगु धासें राष्ट्र बैंकया सहमतिइ ५० द्वःसिवें म्होया निक्षेप मकायेगु बैंकर्स संघं निर्णय याःगु खः ।
Categorized in राष्ट्रिय
