नेपाली कांग्रेसया केन्द्रीय समिति बैठक सुरु जुगु दु। न्हिनसिया १ बजेया लागि सःतूगु बैठक ३ बजे लिपा सुरु जुगु खः।

कांग्रेसया १४ क्वःगु महाधिवेशनय् संशोधित कार्यतालिका अनुमोदन यायेत थौं बैठक च्वनेत्यंगु खः। कांग्रेसं भदौ १६ निसे १९ गते तक  येँ महाधिवेशन यायेगु आन्तरिक कार्यतालिका परिमार्जन यागु दु।

बिहीवाः यागु बैठकय् महामन्त्री पूर्ण बहादुर खड्कां महाधिवेशया संशोधित कार्यतालिका पेश यागु खः। संशोधित कार्यतालिका कथं साउन १२ गते वडा अधिवेशन, साउन १६ गाउँ÷नगर अधिवेशन व साउन २० गते प्रदेश क्षेत्रीय अधिवेशन यायेगु प्रस्ताव यागु खः।

अथेहे प्रतिनिधिसभा क्षेत्रीय अधिवेशन व छगु जक प्रतिनिधिसभा निर्वाचन क्षेत्र दुगु जिल्लाया अधिवेशन साउन २३ गते जुइगु कार्यतालिकाय् उल्लेख दु। निगु वा निगु स्वया अप्वो निर्वाचन क्षेत्र दुगु जिल्लाया अधिवेशन साउन २६ व प्रदेश अधिवेशन भदौ १ व २ गते यायेगु कार्यतालिका संशोधन यागु खः। अथेहे क्रियाशील सदस्यता क्वछित असार मसान्त तक ई तयेगु प्रस्ताव यागु खः।

Categorized in राजनीति