गण्डकी प्रदेशया मुख्यमन्त्री कृष्णचन्द्र नेपाली पोखरेलं विश्वासया मत कायेत सफल जुगु दु।

नेपाली कांग्रेस संसदीय दलया नेता पोखरेलं माओवादी केन्द्र, राष्ट्रिय जनमोर्चा, जनता समाजवादी पार्टी व स्वतन्त्र सांसद दीपक मनाङे नाप ३१ मत कायेत सफल जुगु दु।

थ्व स्वया न्ह्यः ३१ म्हेसिगु हे समर्थनय् पोखरेल जेठ २९ गते गण्डकी प्रदेशया मुख्यमन्त्री जुगु खः।

बहुमतया आधारय् मुख्यमन्त्री जुम्ह ३० दि दुने विश्वासया मत काये माःगु संवैधानिक व्यवस्था कथं मुख्यमन्त्री पोखरेलं थौं प्रदेश सभापाखे विश्वासया मत कागु खः।

Categorized in राजनीति