कोभिड–१९ संक्रमण आः घटे जुयावंगुलि देयन्यकया अस्पतालय् आईसीयू व भेन्टिलेटरय् बिरामीपि न घटे जुयावंगु दु।

म्हिगः शुक्रवाः १३०३७ नमुना परीक्षणय् २७६८ म्हेसित संक्रमण पुष्टि जुगु खः।शुक्रवाः अस्पतालय् आईसीयूलय् ८७२ म्ह व भेन्टिलेटरय् २४६ म्ह संक्रमित उपचार याना च्वंगु खः।

संक्रमण भचा घटे जुगुलि अस्पतालय् आईसीयू व भेन्टिलेटरय् न बिरामीपि घटे जुयावंगु दु धका स्वास्थ्य तथा जनसंख्या मन्त्रालयया तथ्यांकय् उल्लेख दु। जेठ २२ निसे २८ गते तक न्ह्यन्हुया दुने मूल्यांकन याये वलय आईसीयूलय् दकलय् अप्वो १४५१ म्ह संक्रमित उपचार यानाच्वंगु खने दुगु खःसा भेन्टिलेटरय् ३९७ म्ह उपचार यानाच्वंगु खः।

थुगु वाःया लिपागु दिं जेठ २८ गते तक आईसीयूलय् ११८९ व ३६६ म्ह भेन्टिलेटरय् तया उपचार यानाच्वंगु दु।

Categorized in राष्ट्रिय