उपत्यका प्रशासनं व्यवसाय सञ्चालन यायेगु कथं निषेधाज्ञा थपे यागु दु। येँया प्रमुख जिल्ला अधिकारी कालीप्रसाद पराजुलीया कथं आः बारया आधारय् व्यवसाय सञ्चालन याये दइगु जुगु दु।

वयकःया कथं आइतवाः, मंगलवाः व बिहीवाः लुँ वहः, भाँडा, विद्युतीय, घरायसी सामान बिक्री यायेगु पसः सञ्चालन याये दइगु जुगु दु। अथेहे, अटोमोबाइल व उकिया पार्टपूर्जा मिइगु पसः न चायकये दइगु जुगु दु।

सोमवाः, बुधवाः व शुक्रवाः सपिङ मल, खेलकुद सामग्री पसः, लं, लाकां पसः न चायकें दइ। अथेहे फेन्सी, कस्मेटिक, गिफ्ट व टेलरिङ न चायके दइ।

बारया आधारय् चायके दइगु पसः सुथय ११ निसे ४ बजे तक चायके दइगु निर्णय जुगु धका प्रजिअ पराजुलीं धागु दु। खाद्यान्न, फलफूल व तरकारी पसः चाहिं हरेक दिं ११ बजे तक चायके दइ।

Categorized in राष्ट्रिय