छेँ थुवाः प्रधानयात कुना बिगुलि नेवाः समुदाय आक्रोशित
लहानान्युज | बछलाथ्व एकादशी ११४१,असार ७ सोमवाः
जातीय विभेद याःगु द्वपं बियाः येँया छम्ह छेँ थुवाः स्थानीय नेवाःयात ज्वनाः कुना बिउगु खँयात कयाः नेवाः समुदाय आक्रोशित जूगु दु ।
सञ्चार माध्यमय् ज्या याइम्ह छम्ह रुपा सुनारयात थःत कामीया म्ह्याय् जूगु कारणं क्वथा बालं मबिउ धइगु द्वपं बियाः छेँ थुवा सरस्वती प्रधान विरुद्ध उजुरी तःगु खः। उगु उजुरीया छानबिन यायेगु लागिं धकाः प्रहरीं प्रधानयात ज्वनाः कुना बिःगु खः ।
थुगु घटनायात कयाः सामाजिक सञ्जालय् नं व्यापक रूपं वहस शुरु जूगु दु । सुयातं क्वथा बालं बीगु वा मबीगु धइगु घरपतिया थःगु अधिकार खः। क्वथा बालं मबिउगु हे कारणं सुं छेँ थुवाः न कारवाही यायेगु धइगु वयागु मानव अधिकार हनन् जुगु धका सः तया हःगु दु ।
प्रधानयात ज्वःगुलि स्वनिगःया नेवाः समुदाय आक्रोशित जूगु खः ।
Categorized in राष्ट्रिय