सरकारी स्वामित्वया खाद्य व्यवस्था तथा व्यापार कम्पनी व साल्ट ट्रेडिङं खाद्यान्न उपभोक्तापिन्त बियावया च्वंगु छुट बन्द यागु दु।

निषेधाज्ञा छ्वासुया वंगु धासे आः छुट मबिइगु निर्णय यागु दु। उपभोक्तापिन्त खाद्य व्यवस्था तथा व्यापार कम्पनी व साल्ट ट्रेडिङं बिक्री केन्द्रजाखे चिं, चिकं, जाकी, छ्रूचू, चिनी व एसटिसी ग्यास न्याये वलय् जेठ २० गते निसे २० प्रतिशत छुट बियावया च्वंगु खः।

साल्ट ट्रेडिङ कर्पाेरेसनया सहायक कार्यकारी अधिकृत पंकज जोशीं आः छुट बिइगु स्थगित जुगु धका धागु दु। सरकारं आर्थिक वर्ष २०७८÷७९ या बजेट वक्तव्यय् निषेधाज्ञां समस्या जूपिन्त दैनिक उपभोग्य वस्तु सहुलियत बिइगु घोषणा यागु खः।

Categorized in राष्ट्रिय