तत्कालीन महानिर्देशक चुडामणी शर्मालिसें स्वम्हविरुद्ध हाकनं मेगु मुद्दा
लहनान्यूज | बछलाथ्व चर्तुदशी ११४१, असार ९ बुधबाः
आन्तरिक राजस्व विभागया तत्कालीन महानिर्देशक चुडामणी शर्मालिसें स्वम्हविरुद्ध मेगु भ्रष्टाचार मुद्दा दायर जूगु दु ।
अख्तियार दुरुपयोग अनुसन्धान आयोग कर फछर्यौट आयोग, २०७१ या दुजः तकं जुयादिम्ह शर्मालिसें नायः लुम्बध्वज महत, दुजपिं उमेशप्रसाद ढकालविरुद्ध विशेष अदालत, काठमाडौंलय् मुद्दा दायर याःगु खः ।
स्वम्ह पाखें बिगोवापत छगू अर्ब ३३ लखः २०द्वः ३सः व ८५ कायम याना आरोपपत्र दायर यानागु अख्तियारया प्रवक्ता नारायणप्रसाद रिसालं धयादिल । उपिंसं अधिकारक्षेत्र पिने वना वदनियतपूर्वक करदातापिंलिसें कर फर्छ्यौट सम्झौता याना राजस्व ध्येबा चुहावट याना भ्रष्टाचार याःगु अख्तियारया ठहर दु ।
तत्कालीन कर फर्छ्यौट आयोगया दुजः जुयादिम्ह प्रतिवादीपिन्सं कर फर्छ्यौट आयोग ऐन, २०३३ या दफा १७ कथं असल नियतं थःगु ज्याः सम्पादन मयासें व्यक्तिगत लाभ जुइगु व राज्ययात हानि नोक्साजी जुइकथं बदनियतपूर्ण ज्या याःगु स–प्रमाण पुष्टि जूगु अख्तियारं धाःगु दु ।
