अनामनगरया सरकारी जग्गाय् दूगु टहरा महानगरं चीकल
लहानान्युज | बछलागा चतुर्थी ११४१, असार १४ सोमवाः
अनागरमया पूर्वी गेट न्ह्यने दूगु सार्वजनिक जग्गा कजय् कया टहरा दयेका थीथी गतिविधि यानावयाच्वंगु धासें महानगरपालिकां उगु टहरा अनं स्यंका बिउगु दु ।
येँ महानगरपालिकाया प्रमुख प्रशासकिय अधिकृत राजेश्वर ज्ञवालीं सार्वजनिक जग्गायात खुल्ला त्वतेगु व हरियाली पार्क दयेकेगु योजना कथं सार्वजनिक जग्गाय् दयेकातःगु टहरा महानगरपालिकाया व्यवस्थापनया निणर्य कथं चिइकाःगु जानकारी बियादिल ।
‘जिमित जानकारी जूकथं थ्यंमथ्यं छदँनिसें हाम्रो टिम नेपाल पुचःया पासापिन्सं अन टहरा दयेकूगु खः’ ज्ञवाली धयादिल, ‘स्थानीयया माग कथं अन हरियाली पार्क निर्माण यायेया नितिं ड्रोइन डिजाइन तयारी अवस्थाय् दु । जिमित ज्या न्ह्याकेत तारंतार अनया संरचना चिइकेत इनाप यासां अटेर यानाच्वंगुलिं जिमिसं थौं स्यंका बियागु खः।’
येँ महानगरपालिकाया नगर प्रहरी प्रमुख एसपी धनपती सापकोटां नं तारंतार वय्कपिन्त इनाप यासां नं वास्ता मयागुलिं थथे यायेमाःगु धयादिल । वय्कपिनिगु अभियानप्रति जिमित आपत्ति मदुतर अभियानया नामय् सरकारी जग्गा कजय् कायेगु अले पार्क दयेकेगु हरियाली दयेकेगु जिमिगु अभियानयात पंगः थनेगु ज्या पाय्छि मखु, एसपी सापकोटां धयादिल ।
टहरा स्यंकेगु झ्वलय् झडप तकं जूगु खः धाःसा पंग थंपिन्त ज्वना न यंकूगु खः ।
Categorized in राष्ट्रिय
