विपक्षी गठबन्धनया विद्यार्थी संगठनं बिरोध प्रदर्शनयात
मन्जीत महर्जन | बछलागा सप्तमी ११४१, असार १७ बिहिवाः
विपक्षी गठबन्धनया विद्यार्थी संगठनं थौं बिहीवाः येँया भृकुटीमण्डप प्रदर्शनीमार्गय् सरकारविरुद्ध प्रदर्शन यागु दु।
नेपाली कांग्रेस, नेकपा माओवादी केन्द्र, नेकपा एमालेया माधवकुमार नेपाल समूह, जनता समाजवादी पार्टीया उपेन्द्र यादव समूह व राष्ट्रिय जनमोर्चाया विद्यार्थी संगठनं प्रदर्शनीमार्गय् प्रधानमन्त्रीया पुत्ला दहन याना प्रदर्शन यागु दु।
उगु झ्वलय् प्रहरीं पुत्ला लाकाया स्यागु खः। उगु झ्वलय् भचा प्रहरी व प्रदर्शनकारी दथुइ झदप जुगु खः।
प्रधानमन्त्री केपी शर्मा ओलीं प्रतिनिधिसभा विघटन यागुया विरोधय् विपक्षी गठबन्धनं सतक आन्दोलन सुरु यागु खः।
किपा मन्जीत महर्जन
