राष्ट्रिय फुटबल टिमया बन्द प्रशिक्षणय् सहभागी जुपि कासामि व अफिसियल नाप २० म्हेसित कोरोना संक्रमण पुष्टि जुगु दु।

अखिल नेपाल फुटबल संघ एन्फां बिहीवाः निसे शुरु यागु बन्द प्रशिक्षण थुगु कारण स्थगित जुगु खः। एन्फा प्रवक्ता किरण राई न प्रशिक्षण न्ह्यः हे यागु परीक्षणय् २० म्हेसित कोरोना संक्रमण खनेदुगु धका धागु दु।

‘कासामि व अफिसियल नाप २० म्हेसित कोरोना पोजेटिभ खनेदुगु दु’ धका वयकः न धागु खः। राई न संक्रमण खनेदुपिन्त हाकनं कोरोना परीक्षण यागु दु व बिहीवाः हे रिपोर्ट वइ धका धागु दु।

कोरोना संक्रमण खनेदुपि आः आइसोलेसन व होम आइसोलेसनय् च्वनाच्वंगु दु। थौंनिसे सुरु जुइ धका धागु बन्द प्रशिक्षण छवाः लिपाया लागि लिछागु दु धका एन्फां बिहीवाः सुथय् सामाजिक सञ्जालं धागु खः।

Categorized in कासा