एमाले केन्द्रीय कमिटीया बैठक थौं च्वनिइगु
लहानान्युज | बछलागा अष्टमी ११४१, असार १८ शुक्रवाः
नेकपा एमाले केन्द्रीय कमिटीया बैठक थौं च्वनेत्यंगु दु।
थौंया बैठकय् वरिष्ठ नेता झलनाथ खनाल व माधवकुमार नेपाल समूह धासा सहभागी मजुइगु दु।
बिहीवाः च्वंगु उगु समूहया बैठकं शुक्रवाः सःतूगु बैठक अवैध खः धका निष्कर्ष पिकया सहभागी मजुइगु निर्णय यागु खः। पार्टीयात २०७५ जेठ २ न्ह्ययो अवस्थाय् न्ह्यने हयेमाःगु माग याना वयाच्वंगु उगु समूहं थौंया बैठकय् सहभागी मजुइ धका धागु दु।
एमाले अध्यक्ष केपी शर्मा ओलीं झीक्वःगु महाधिवेशन आयोजक कमिटी भंग याना केन्द्रीय कमिटीयात हे रुपान्तरण आयोजक कमिटी यागु खः।
खनाल–नेपाल समूह न एमाले व माओवादी केन्द्रया एकता जुइ न्ह्यःयागु केन्द्रीय कमिटी बैठक सःत्यय् मागु माग याना वयाच्वंगु खः।
Categorized in राजनीति