१२गू तगिंया परीक्षा साउननिसें न्ह्याइगु
बछलागा दशमी ११४१, असार २० गते आइतबाः
राष्ट्रिय परीक्षा बोर्डं १२गू तगिंया वार्षिक परीक्षा साउन लिपांगु वालंनिस्ें न्ह्याकेगु प्रस्ताव यासें सरकारलिसे अनुमति माग याःगु दु ।
भौतिक कथं हे परीक्षा सञ्चालन यायेगु धासें बोर्डं परीक्षाया नितिं अनुमति माग जूगु न्ह्यथंगु दु । बोर्डया कथं परीक्षा सञ्चालनया नितिं सरकारंपाखें अनुमति वयेधुंका परीक्षाया प्रक्रिया न्ह्यावनिइ ।
लखौं लख ब्वंमि दुथ्याइगु परीक्षा जूगु हुनिं अनलाइन माध्यमं परीक्षा सञ्चालन याये मफइगु बोर्डंं न्ह्यथंगु दु । छुं ई लिबासां नं भौतिक कथं हे परीक्षा न्ह्याकेगु योजना बोर्डं दय्कुगु दु ।
शिक्षा, विज्ञान तथा प्रविधि मन्त्रालयया कथं बोर्डया प्रस्तावय् सहलह याना जक निर्णइ जुइ । शिक्षा मन्त्रालयं परीक्षा स्थगित यायेगु निर्णय मजूगुलिं परीक्षा सञ्चालनया अनुमति सम्बन्धी निर्णय नं सीसीएमसीपाखें जुइगु मन्त्रालयं न्ह्यथंगु दु ।
थ्वयान्ह्यः जेठ २६ गतेनिसें जुइगु याना क्वजिउगु १२गू तगिंया परीक्षा नं सीसीएमसीं हे दिकेगु निर्णय याःगु खः ।
Categorized in राष्ट्रिय
