लागु वासः नाप बीरगञ्जय् छम्हेसित प्रहरी ज्वन
लहानान्युज | बछलागा त्रयोदशी ११४१,असार २३ बुधवाः
पर्सा प्रहरीं लागु वासः नाप बीरगञ्जय् छम्हेसित ज्वंगु दु।
वीरगञ्ज महानगरपालिका–८ गहवाया २३ दँ दुम्ह राहुल शाहयात प्रहरी ज्वंगु खः।
राहुलयात तरकारी तयाहःगु झोला दुने हाकूगु प्लाष्टिकय् लागु वासः नुर्फिन १५० एम्पुल, डाइजेपाम १५० एम्पुल व फेनारगन १५० याना जम्मा ४५० एम्पुल ज्वनागु धका प्रहरीं दाबी यागु दु।
वयात लागु वासः नाप सम्बन्धी कसुरय् अनुसन्धान जुयाच्वंगु धका जिल्ला प्रहरी कार्यालय पर्साया प्रहरी नायव उपरीक्षक (डीएसपी) ओम प्रकाश खनालं जानकारी बिगु खः।
Categorized in अपराध
