प्रधानमन्त्री केपी शर्मा ओलीं मेलम्ची खुसिइ बाःवया पीडित जुपिनिगु छगु परिवार ५० हजार राहत बिइगु घोषणा यागु दु।

हेलम्बु गाउँपालिकाया गणेश बगरय् ग्वसाः ग्वंगु ज्याझ्वलय् अन खुसिइ बाःवया क्षति जुपिनिगु ३६६ परिवारयात सरकारं छगु परिवारयात ५० हजार बिइगु धका धागु दु।

“तत्काल पीडित परिवारयात ५० हजारं  राहत बिइगु। निर्माणया लागि हिमाली भेगय् ५ लाख, पहाडी भेगय् ४ लाख व तराइ भेगय् ३ लाख उपलब्ध याना वयाच्वना दु,” धका प्रम ओलीं धागु दु।

असार १ गते मेलम्ची खुसिइ वं थाय् निरीक्षणया झ्वलय् अन वना च्वंगु खः। अथे पीडित परिवारयात १५ सय बण्डल जस्तापाता उपलब्ध यायेगु धका धयादीगु खः।

Categorized in राष्ट्रिय