पार्टी हाकन अन्तरविरोध अप्वोया वंगुलि नेकपा एमालेया निगु तहया नेतापि छलफल सुरु यागु दु।

शनिबाः सिंहदरबारय् जुगु अनौपचारिक छलफल वंगु असार २७ गते जुगु १० बुँदे सहमति कार्यान्वयन व पार्टी एकता ल्यकातयगु विषय छलफल जुगु धका एमाले सचिव गोकर्ण विष्टं जानकारी बिगु दु।

अध्यक्ष केपी शर्मा ओली व वरिष्ठ नेता माधवुकमार नेपाल पक्षया नेतापि असार २७ गते १० बुँदे सहमति यागु खःसा उगु सहमति कार्यान्वयन मजुइवं अध्यक्ष ओली व नेता नेपाल दथुइ अन्तरविरोध अप्वोया वंगु खः।

शनिबाः जुगु अनौपचारिक बैठक कार्यदलया सदस्य १० म्ह नेता व पार्टी सचिव भीम आचार्य सहभागी जुगु खः। नेतापिन्स १० बुँदे सहमति कार्यान्वयन याना एकता ल्यकेतयमाःगुलि बःबिगु दु धका सचिव विष्टं धागु दु।

Categorized in राजनीति