२०८० चैत्र १६, शुक्रबार

प्रचण्ड व नेपाल दथुइ भेटवार्ता

लहानान्युज | दिल्लाथ्व अष्टमी ११४१,साउन २ सनिवाः

नेकपा माओवादी केन्द्रया अध्यक्ष पुष्पकमल दाहाल प्रचण्ड व नेकपा एमालेया वरिष्ठ नेता माधवकुमार नेपाल दथुइ भेटवार्ता जुगु दु।

शनिबाः न्हिनय् प्रचण्ड कोटेश्वरय् नेता नेपालया निवासय् वंगु खः। निम्ह नेता दथुइ छलफल जुगु धका सचिवालय निकट स्रोतं धागु दु।

सर्वोच्च अदालतया आदेशय् संसद पुनःस्र्थापना व शेरबहादुर देउवा प्रधानमन्त्री नियुक्त जुइवं कांग्रेस, माओवादी केन्द्र, एमालेया माधवकुमार नेपाल व जसपाया उपेन्द्र यादव पक्ष गये याना न्ह्या वनेगु धइगु विषयय् अन्योल जुया च्वंगु दु।

तर थुगु गठबन्धनया नेतापि दथुइ द्विपक्षीय, बहुपक्षीय छलफल जुयाच्वंगु दु।

Categorized in राजनीति