जनता समाजवादी पार्टी (जसपा)या प्यम्ह सांसदपिन्स अध्यक्ष महन्थ ठाकुर पक्ष त्वतूगु दु।

उपि प्यम्ह सांसद, प्रतिनिधिसभा पुनस्र्थापना नाप मेम्ह अध्यक्ष उपेन्द्र यादव पक्षय् वंगु दु। पार्टी कार्यालय, बालकुमारीइ थौं शनिबाः च्वंगु संसदीय दलया बैठकय् सांसदपि प्रमोद साह, अमृता अग्रहरी, रानी मण्डल व नरमाया ढकाल सहभागी जुगु खः।

ठाकुर पक्षया नेतापि प्यम्ह शुक्रबाः पार्टी कार्यालय जुगु छलफलय् ब्बति मकागु खः। थ्व नाप ३२ म्ह सदस्यीय संसदीय दलय् निगु पक्षय् आः १६–१६ म्ह थ्यंगु दु ।

तर ठाकुर पक्षयापि अझ न सांसदपि यादव पक्षय् वइ धका छम्ह नेतां दाबी यागु दु।

Categorized in राजनीति