नेकपा एमाले नेता माधव नेपाल समूह न प्रधानमन्त्रीयात विश्वासया मत बिइगु सन्दर्भय् सांसदपिन्स स्वविवेक प्रयोग यायेत छलफल यागु दु।

माधव समूह हे निगु थरी बिचाः वंगु नेता नेपाल नाप अधिकांस सांसदपिन्स् मत बिइगु धागु दु। कार्यदलय् च्वंपि नेतापिन्स निर्णय याना शेरबहादुर देउवायात विश्वासया मत बिइगु इलय् एकताया लुँखा बन्द जुगु सन्देश वनेगु जुगुलि अथे मयायेत इामप यागु दु।

उमिसं १० बुँदे बमोजिम संस्थागत निर्णयया पक्ष न्ववागु दु। कार्यदलय् दुपि व मदुपि स्थायी कमिटी सदस्यपि नाप वरिष्ठ नेता नेपालं छलफल यागु खः। भीम आचार्य, गोकर्ण विष्ट लगायतया नेतापिन्स एमाले मिले जुइगु जुगुलि हथाय् चाना विश्वासया मत कायेत्यंगु धका धासे देउवा–प्रचण्डया नियत एमाले टछ्यागु प्रष्ट खनेदुगु धका धागु दु।

माधव नेपाल पक्षपाखे कार्यदल संयोजक तक जुयादीम्ह उपाध्यक्ष भीम रावल व सुरेन्द्र पाण्डे लगायतया नेतापि संस्थागत निर्णय याना १० बुँदे सहमतिया अःखः जुइ धका लिचिगु दु। तर, माधव नेपाल नाप मेटमणी चौधरी, झपट रावल, कृष्णलाल महर्जन, जीवनराम श्रेष्ठ, रामकुमारी झाँक्री, विरोध खतिवडा, यज्ञराज सुनुवार, निरा जैरु, सरला यादव, पुष्पा कर्ण कायस्थ, दीपकप्रकाश भट्ट, मुकुन्द न्यौपाने, कलिला खान, कल्याणी खड्का लगायतपिन्स विश्वासया मत बिइगु जुगु दु।

Categorized in राष्ट्रिय