वंगु २४ घण्टाया दुने थप १ हजार ८०१ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ६ हजार ६२८ म्हेसित पीसीआर परीक्षणय् १ हजार २२३ म्ह व ३ हजार म्हेसित एन्टिजेन परीक्षणय् ५७८ म्ह याना १ हजार ८०१ म्हेसित कोरोना संक्रमण पुष्टि जुगु दु।

कोरोना संक्रमणया कारण वंगु २४ घण्टाय् २३ म्ह सीगु दु। अथेहे १ हजार ६६७ म्ह संक्रमणमुक्त जुगु दु। थ्व नाप नेपालय् कोरोना संक्रमितपि ७ लाख १६ हजार ४९ म्ह थ्यंगु दु।

उकि मध्ये ९ हजार ५५० म्ह सी धुकुगु दु सा ६ लाख ३२ हजार ७४ म्ह संक्रमणमुक्त जुइ धुकुगु दु।

मन्त्रालयया कथं वंगु २४ घण्टाय् प्रदेश १ य् १८५, प्रदेश २ य् ४२, प्रदेश ३ य् ५९२ म्ह संक्रमितपि थपे जुगु दु।

अथेहे गण्डकीइ २५७, लुम्बिनीइ ८७, कर्णालीइ २१ व सुदूरपश्चिम प्रदेशय् ३९ म्ह कोरोना भाइरस संक्रमण खनेदुगु खः।

Categorized in राष्ट्रिय