चिकित्सा शिक्षा सुधारया अभियन्ता डा. गोविन्द केसीं न्हुम्ह सरकारया न्ह्यने न्यागु बुँदे माग तःगु दु।

न्हुगु सरकार गठन जुइवं स्वास्थ्य व मेडिकल शिक्षा क्षेत्रय् थीथी समस्या नाप उकिया समाधानया लागि याये माःगु धासे केसीं न्यागु बुँदा सार्वजनिक यागु दु।

केसीं धरानया विपी कोइराला स्वास्थ्य विज्ञान प्रतिष्ठानया पदाधिकारी पदमुक्त यायेमाःगु, चिकित्सा शिक्षा आयोगया पदाधिकारीपिन्त ख्याच्वं बिइपिन्त व नाजायज फाइदा कायेगु स्वइपिन्त कारबाही यायेमाःगु माग तःगु दु।

अथेहे केसीं इलाम वा पाँचथर, उदयपुर व डडेल्धुरा वा डोटी न सरकारी मेडिकल कलेज चायकेमाःगु, चिकित्सा शिक्षा ऐनया प्रावधान सार्वजनिक शिक्षण संस्थाय् ७५ प्रतिशत छात्रवृत्ति बिइमाःगु माग न्ह्यने हःगु खः।

Categorized in राष्ट्रिय