मेयर मानबहादुर जिसीयागु उपचार खर्चया लागि पोखरा महानगरं १० लाख रुपैयाँ उपलब्ध याइगु जुगु दु।

मस्तिष्कघात जुया येँया बाँसबारी च्वंगु न्युरो अस्पतालय् उपचार जुयाच्वंगु खः। पोखरा महानगरया थौं मंगलबाः च्वंगु ५१ क्वंगु कार्यपालिका बैठकं मेयर जिसीयागु उपचारया लागि रकम उपलब्ध यायेगु निर्णय यागु खः।

थुगु रकम प्रकोप व्यवस्थापन कोषपाखे खर्च यायेगु निर्णय यागु दु धका महनगरया प्रवक्ता धनबहादुर नेपालीं प्रेस विज्ञप्तिपाखे जानकारी बिगु दु। शुक्रबाः सुथय् स्वास्थ्यय् समस्या खनेदुगुलि मेयर जिसीयात उपचारया लागि मणिपाल अस्पताल यकूगु खm।

शुरुइ मेयर सचिवालयं हृदयघात धका सूचना प्रवाह यागु खःसा मणिपालं मस्तिष्कघात जुगु पुष्टि यागु खः। उच्च रक्तचापया कारण नसाय् असर खनेदुगु खः। नसाया हे कारण वयागु म्हया देपाःया भागय् समस्या खनेदुगु खः।

Categorized in राष्ट्रिय