नेकपा एमाले सुदूरपश्चिम (माधव समूह)का प्रदेशसभा सदस्यपिन्स नेता भीम रावलयात प्रतिनिधिसभा सदस्य पदं बिगु राजीनामा लित कायेत इनाप यागु दु।

संघीय राजधानी येँ वःपि प्रदेश सरकारया प्यम्ह मन्त्री व झीम्ह प्रदेशसभा सदस्यपिन्स रावलयात सांसद पदपाखे बिगु राजीनामा लित कायेत इनाप यागु खः।

रावलया हे छेँय् वना उमिसं हाकन छकः बिचाः यायेत प्रदेशसभा सदस्यपिन्स इनाप यागु खः। रावलं वरिष्ठ नेता माधव नेपालं प्रधानमन्त्री शेरबहादुर देउवायात विश्वासया मत बिगु अडान यायेवं २९ असारय् सभामुख अग्निप्रसाद सापकोटायाता सांसद पदपाखे राजीनामा बिगु खः।

तर सभामुखं वयागु राजीनामा स्वीकृत बिगु मदुनि। रावलयात पार्टीदुने तक राजीनामा लित कायेत दबाब बियाच्वंगु दु।

Categorized in राष्ट्रिय