नेकपा एमालें २२म्ह सांसदपिन्त स्पष्टीकरण न्यनिइगु
लहानान्युज | दिल्लाथ्व द्धादशी ११४१,साउन ६ बुधवाः
नेकपा एमालेया अध्यक्ष केपी शर्मा ओलीं फ्लोर क्रस यापि २२ म्ह सांसदपिन्त स्पष्टीकरण पौ छ्वंगु दु।
म्हिगः ५ गते तिथि तया छ्वंगु पतिइ फ्लोर क्रस याना प्रधानमन्त्री शेरबहादुर देउवायात विश्वासयो मत बिइगु बारे छु न उल्लेख मयागु दु। तर पार्टीविरुद्ध भेला व गुटगत गतिविधि यागु व पार्टी निर्णय विपरीत विपक्षी गठबन्धनय् सामेल जुगु अपराधपूर्ण ज्या जुगु धइगु द्धपः बिगु खः।
आइतबाः प्रधानमन्त्री शेरबहादुर देउवां संसदय् विश्वासया मत कायेगु झ्वलय् वरिष्ठ नेता माधवकुमार नेपाल नाप २२ म्ह सांसदपिन्स फ्लोर क्रस याना मत बिगु खः।
उकिया कन्ह्यः कुन्हु हे च्वंगु एमाले अध्यक्ष ओली पक्षीय् नेतापि जक च्वंगु केन्द्रीय कमिटी बैठकं २२ म्ह सांसदपिकें स्पष्टीकरण न्यनिइगु निर्णय यागु खः।
