नेकपा (माओवादी केन्द्र) नं साउन २० गते केन्द्रीय समितिया बैठक सःतूगु दु।

थौं बुधबाः च्वंगु पाटीया स्थायी समिति बैठकं साउन २० गते केन्द्रीय समिति बैठक सःत्येगु निर्णय जुगु दु धका नेता नारायणकाजी श्रेष्ठं जानकारी बिगु दु।

व स्वया न्ह्यः साउन १७ गते स्थायी समिति बैठक सःतूगु दु। माओवादीया बैठकं सत्तारुढ गठबन्धनयो न्यूनतम मंकाः कार्यक्रम गुलिफु उलि याकन क्वछित इनाप यागु दु।

बैठकं वंगु सरकारं क्यंगु आचरण आः थुगु गठबन्धनया सरकारं क्यने मज्यु व वंगु इलय् क्यंगु प्रतिवद्धता कथं न्ह्या वने मज्यु धका बः बिगु दु धका नेता श्रेष्ठं धागु दु।

अथेहे माओवादी केन्द्रं साउन ९ गते नेपाल कम्युनिष्ट पार्टीया संस्थापक नेता नरबहादुर कर्मचार्यया लुमन्ति देयन्यक ज्याझ्वः यायेगु निर्णय यागु दु।

Categorized in राजनीति