कोरोना संक्रमणया जोखिम अझ न दु, स्वास्थ्य मन्त्रालय
शोभा श्रेष्ठ | दिल्लाथ्व त्रयोदशी ११४१,साउन ७ बिहीवाः
स्वास्थ्य तथा जनसंख्या मन्त्रालयं निषेधाज्ञा छ्वासू वगुलि हाकनं कोरोना संक्रमण अप्वोया वंगु दु धका धागु दु।
मन्त्रालयं छगु विज्ञप्ति जारी यनसे आः हाकनं चुनौतीपूर्ण स्वंगूगु लहर शुरु जुइफु धासे स्वास्थ्य संस्थायात तयारी अवस्थाय् च्वनेत धागु दु। निषेधाज्ञा छ्वासूया वनेवं जनस्वास्थ्यया मापदण्ड उल्लंघन जुयावंगु दु धासे मन्त्रालयं थुगु इलय् कोरोना संक्रमण गुलि घटे जुइमागु खः उलि घटे मजुगु धका उल्लेख यागु दु।
आः झीगु जिल्लाय् ५०० स्वया अप्वो व २६ गु जिल्लाय् २०० स्वया अप्वो सक्रिय संक्रमित दु धासे स्वास्थ्य मन्त्रालयं संक्रमणया जोखिम अझ न दु धका धागु दु। मन्त्रालयया सहायक प्रवक्ता डा. समीरकुमार अधिकारीया कथं खोप केन्द्रय् जुगु हुलं संक्रमणया जोखिम थहावंगु दु। उकिइ मन्त्रालयं खोप कायेत वनेगु इलय् थःगु पालय् कायेगु व जनस्वास्थ्यया मापदण्ड अपने यायेत इनाप यागु दु।
