फ्लोर क्रस याना प्रधानमन्त्री शेरबहादुर देउवायात मत बिया अक्षम्य अपराधया संज्ञा बिया नेकपा एमालेया अध्यक्ष केपी शर्मा ओलीं लंद्धकूपि नेतापिन्त ‘आममाफी’ बिइगु घोषणा यागु दु।

पुष्पलाल स्मृति दिवसया लसताय् थौं बिहीबाः ग्वसाः ग्वंगु ज्याझ्वलय् ओलीं धागु दु, ‘लं द्धकूपि पासापिन्त इनाप याये, थुगु पार्टी व आन्दोलनया एकताया लागि पुष्पलालयात लुमका धाये चाहे जू, सकसित एम्नेष्टी इज ग्रान्टेड ।’

ओली धागु दु, ‘न्ह्यागु हे जुइमाः, एम्नेष्टी । झाँस मिले जुया ज्या याये।’ वयकलं धयादीगु दु पुष्पलालं पिगु व मदन भण्डारीं स्याहार सुसार व प्रवलीकरण यागु धका धागु दु। निवर्तमान प्रधानमन्त्री तक जुयादीम्ह ओलीं थःगु पार्टी नेतृत्वया सरकार क्वथलेत दुनियाँ लगे जुया न सन्के मफुगुलि अदालतं परमादेशपाखे बूकुगु धका धागु दु।

उकिया बाबजुद एमाले स्थानीय तह, प्रदेश व संघीय संसदया प्रमुख शक्ति दुगु धका धासे, ‘देशया प्रमुख राजनीतिक शक्ति खः, लोकतान्त्रिक आन्दोलनया प्रमुख राजनीतिक धार खः।’ 

Categorized in राष्ट्रिय