वंगु २४ घण्टामया दुने थप २,७१४ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ९,१२२ म्हेसिगु पीसीआर परीक्षणय् १८५५ म्ह व ३,७०७ म्हेसिगु एन्टिजेन परीक्षणय् ८५९ म्ह याना २७१४ म्हेसित संक्रमण पुष्टि जुगु दु।

अथेहे संक्रमणया कारणं २४ म्ह सीगु दु सा १२८८ म्ह संक्रमणमुक्त जुगु दु। बिहीबाः थपे जूपि नाप आःतक नेपालय् कोरोना संक्रमितपि ६ लाख ७४ हजार ७२६ म्ह थ्यंगु दु।

उकि मध्ये ९ हजार ९६६१ म्ह सी धुकुगु दु सा ६ लाख ३७ हजार ६९० म्ह संक्रमणमुक्त जुगु दु।

Categorized in राष्ट्रिय