स्यस्यः समाज यल महानगरपालिका वडा नं १६ य् दुगु जग्गाय् भवनया शिलान्यास जुगु दु।

उगु भवन शिलान्यास वांगमय शताब्दी पुरुष डा सत्यमोहन जोशीया छेँय् संकल्प पूजा याना भवन निर्माण जूगु थाय् थौं सुथय् ८ः४२ या भिं साइतय् जग साइत पूजा यागु खः।

उगु ज्याझ्वलय् समाजया अध्यक्ष ई सुरेन्द्र गोविन्द जोशीपाखे लसकुस यागु खःसा यल महानगरपालिकाया मेयर चिरीबाबु महर्जनपाखे भिंतुना बियादीगु खः।

ज्याझ्वलय् प्रदेश सभाया सांसदपि ज्ञानेन्द्र शाक्य व शोभा शाक्य, उप मेयर गीता सत्याल, वडा अध्यक्षपि निर्मल रत्न शाक्य व बिनोद ताम्राकार, सल्लाहकारपि गोपाल मान श्रेष्ठ व अजर मान जोशी, ललितपुर उद्योग वाणिज्य संघया अध्यक्ष मनोज न्याछ्यों लगायत नाप थीथी जातीय समाज व संघ संस्थाया प्रतिनिधिपिनिगु न उपस्थिति दुगु खः।

Categorized in राष्ट्रिय