पाकिस्तानी अलराउण्डर शाहिद अफ्रिदी न नेपालय् क्रिकेट म्हितीइगु जुगु दु।

भेट्रान अलराउण्डर अफ्रिदीं नेपालय् वइगु असोजय् जुइगु एभरेष्ट प्रिमियर लिग म्हितीइगु जुगु दु। ईपीएलया फ्रेन्चाइज काठमाडौं किंग्स–११ पाखे अफ्रिदी म्हितिइगु जुगु दु।

टेलेहो ल्डिङ्स प्रालिया स्वामित्वय् दुगु येँया सोमबाः अफ्रिदीलाई आईकोनिक प्लेअरया रुपय् हःगु खः। ४४ दँ दुम्ह अफ्रिदीं पाकिस्तानया लागि २७ टेष्ट, ३९८ ओडिआई व ९९ टी–२० आई म्हित्ये धुकुगु दु। पाकिस्तानया पूर्वकप्तान तक जुयादी धुकुम्ह अफ्रिदीं स्वंगू फर्म्याटय् ११ हजार स्वया अप्वो रन दयके धुकुगु खः।

लिपागु इलय् मुल्तान सुल्तानपाखे पाकिस्तान सुपर लिग म्हितिगु खः। वइगु सेप्टेम्बर २५ निसे ९ अक्टोबर तक ईपीएल येँ नाप खुगु फ्रेन्चाइज टिमं प्रतिस्पर्धा याइ।

Categorized in कासा