जिल्ला प्रशासन कार्यालय चितवनं साउन २४ गते चान्ह्य १२ बजे तकया लागि निषेधाज्ञा थप यागु दु।

जिल्लाया कोभिड–१९ या संक्रमण जोखिम कायम हे दुगुलि व ‘डेल्टा भेरियन्ट’ तक पुष्टि जुगुलि प्रशासनं साउन २४ गत तके निशेधाज्ञा जारी यायेगु निर्णय यागु दु। न्हपा याना तःगु निशेधाज्ञा थौं चान्ह्य १२ बजे क्वाचाइगु दु।

प्रशासनं निशेधाज्ञायात छ्वासूका व स्वास्थ्य सुरक्षा मापदण्ड पालना याना व्यापार–व्यवसाय सञ्चालन यायेत इनाय यागु दु। प्रमुख जिल्ला अधिकारीं बिगु जारी निषेधाज्ञा सम्बन्धी आदेशय् भौतिक रूप उपस्थित जुया छु न प्रकारया सभा, सम्मेलन, सेमिनार, महोत्सव, धार्मिक संस्कारया ज्या सञ्चालन याये दइ मखु धका उल्लेख यागु दु।

Categorized in राष्ट्रिय