२०८० चैत्र १६, शुक्रबार

बुद्धकालीन नेपाली संकिपा ‘अंगुलीमाल’ निमार्ण जुइगु

शोभा श्रेष्ठ | दिल्लागा सप्तमी ११४१,साउन १६ सनिवाः

युवा निर्देशक अभय डंगोलया निर्देशनय् ऐतिहासिक नेपाली संकिपा‘अंगुलीमाल’ निमार्ण जुइगु जुगु दु।

तत्कालीन ईलय् मखुगु लँ वना हिंस्रक अंगुलीमालयात सिद्धार्थ गौतम बुद्धं सद्मार्गया लागि प्रेरित यागु बाखनय् थुगु संकिपा निर्माण जुइत्यंगु खः। फोएसजी प्रोडक्सन व एए स्टार मिडियाया मंकाः व्यानरय् सुरेन्द्र श्रेष्ठं थुगु संकिपा निर्माण यायेत्यंगु खः।

म्हिगः मध्यपुर थिमिइ छगु ज्याझ्वः दथुइ संकिपा निर्माण यायेगु घोषणा यासे निर्माता व अंगुलीमाल बाखनय् दयकेगु पत्रय् हस्ताक्षर जुगु खः। ‘संकिपा वइगु मोहनी व स्वन्ति दथुइ शुभमुहूर्त याये।’ धका निर्माता श्रेष्ठं धागु खः। ऐतिहासिक बाखंयात ल्याय्म्ह निसे बुरा बुरिपिन्त तकच यइगु कथं निर्माण यायेगु योजना दु धका श्रेष्ठं धागु खः।

उगु कथं हे एनिमेसन, भिएफएक्स व प्राविधिक रूपं बालाक्क दयेकगु लागि कलाकारपिनिगु न अडिसन कायेगु तक तयारी दु धका धागु दु। ‘बुद्धया जन्म नेपालय् जुगु खः। तर थुगु विषय अन्तर्राष्ट्रिय स्तरय् गलत प्रचार जुयाच्वंगु दु।

नेपाली भाषां हे निर्माण जुइगु सिद्धार्थ गौतम बुद्ध नाप सम्बन्धित अंगुलीमाल संकिपा थुगु भ्रम चिलावनिइ धका धागु खः। देशविदेशय् संकिपा प्रदर्शन याये धुका सकारात्मक सन्देश वनिइ।’ निर्देशक डंगोलं दाबी यागु दु।

Categorized in मनोरन्जन