थ्री स्टारया भवन लागि यल महानगर १६ वडां २५ लाख ग्वाहालि नेपाःया खेलकुद विकासया महत्वपूर्ण संस्था थ्री स्टारक्लबया भवन निर्माणया लागि यल महानगरपालिका– १६ वडां २५ लाख रुपैयाँ विनियोजित यागु दु।

थौं मंगलबाः छगु  ज्याझ्वः दथुइ वडाअध्यक्ष निर्मलरत्न शाक्यं क्लबया अध्यक्ष अरुणमान जोशीयात न्हापागु किस्ता स्वरुप ९ लाख रुपैयाँया चेक हस्तान्तरण यागु दु। मंगलबजारय् करिब ७ आना जग्गाय् क्लबया भवन दयकेत्यःगु खः।

उगु ज्याझ्वलय् वडाअध्यक्ष शाक्यं देशय् खेलकुद विकासय् क्लबया तधःगु योगदान महत्वपूर्ण दुगु धासे स्रोत साधनया अभावं आःतक क्लब भवन दयके मफुगुलि थगु वडापाखे उगु रकम ग्वाहालि यानागु धका धयदीगु खः।

वंगु आर्थिक वर्षया बजेटपाखे उगु रकम लल्हानागु धका धयादीसे निर्माण ज्या शुरु जुइवं हे बाँकी ४० प्रतिशत रकम लल्हायेगु जुइ धका वडाअध्यक्ष शाक्यं धयादीगु खः।

Categorized in कासा