सर्वोच्च अदालतं महन्थ ठाकुरया मुद्दाय् निर्वाचन आयोगयात झीन्यान्हुया दुने लिसः बिइत धागु दु।

ठाकुर पक्षं उपेन्द्र यादव पक्षयात जनता समाजवादी पार्टी (जसपा) नेपालया आधिकारिकता बिइगु निर्वाचन अयोगया निर्णयविरुद्ध सर्वोच्चय् रिट दायर यागु खः।

बुधबाः न्यायाधीश प्रकाशमान सिंह राउतया एकल इजलासं उगु रिटया सुनुवाइ यासे अन्तरिम आदेश मबिसे झीन्यान्हुया दुने ‘निवेदक (ठाकुर पक्ष) या माग बमोजिमया आदेश छाय् जारी याये म्वाःगु? आदेश जारी याये म्वाःसा छुकिया आधार व कारण खुले याना’ लिखित लिसः बुझे यायेत धागु दु।

साउन ११ गते जसपा कार्यकारिणी समितिया ’हेडकाउन्ट’ यासे यादव पक्षं बहुमत दुगुलि आयोगं पार्टीया आधिकारिकता उमित बिगु खः। उगु निर्णयविरुद्ध ठाकुर पक्ष साउन १५ गते सर्वाेच्च वंगु खः।

Categorized in राजनीति