सरकारं थ्व हे वइगु साउन २५ निसे ३२ गते तक ‘खोप सप्ताह’ माने याइगु जुगु दु।

संसदया शिक्षा तथा स्वास्थ्य समितिं बिहीबाः च्वंगु बैठकय् न्ववासे स्वास्थ्य तथा जनसंख्या राज्यमन्त्री उमेश श्रेष्ठं साउन २५ गतेनिसे खोप सप्ताह माने यायेगु जानकारी बिगु दु।

उगु इलय् जापानपाखे वंगु ८ लाख व भुटानपाखे वंगु ३ लाख डोज कोरोना विरुद्धया खोप बिइगु धका धागु दु। निगु देशपाखे शनिबाः व आइतबाः तक खोप वय धुकिइ धका राज्यमन्त्री श्रेष्ठ जानकारी बिगु दु।

वइगु असोज तक १ करोड ५ लाख डोज खोप वइ धका धागु दु। राज्यमन्त्री श्रेष्ठं मस्तयत फाइजरया ६० लाख डोज खोप हयेगु प्रक्रिया न न्ह्याः वने धुकुगु दु धका जानकारी बिगु दु।

Categorized in राष्ट्रिय