२०८० चैत्र १६, शुक्रबार

भदौ २३ लिपा कार्यसमितिकया वैधानिकता क्वचाइ, नेता पौडेल

लहानान्युज | दिल्लागा द्धादशी ११४१,साउन २१ बिहीवाः

नेपाली कांग्रेसया वरिष्ठ नेता रामचन्द्र पौडेलं भदौ २३ लिपा आःयागु केन्द्रीय कार्यसमितिकया वैधानिकता क्वचाइगु दाबी यागु दु।

वयकलं संवैधानिक रुपं न्यादँ व खुला लिपाया दुने महाधिवेशन याये माःगु व्यवस्था दुगुलि भदौ २३ लिपा पार्टीया वडानिसे केन्द्रीय तह तकया कार्यसमितिया वैधानिकता दइमखु धका धागु दु।

बिहीबाः पूर्वमहामन्त्री प्रकाशमान सिंह निवास चाक्सीवारीइ पौडेल समूहया शीर्ष नेतापि नाप जुगु छलफल जुगु खः। छलफल लिपा पत्रकारपि नाप नेता पौडेलं पार्टी वैधानिकता ल्यका तयेगु लागि विशेष महाविधेशनया प्रस्ताव यागु दु। ‘अझ न ई दु, प्रक्रिया पुरा याना महाधिवेशन यायेगु ई मदुसा वैधानिकता ल्यका तयेगु लागि विशेष अधिवेशन याये फइ धका धासे जिमिसं प्रस्ताव यानागु दु,’ वयकल धागु दु, ‘थ्व हे लिपागु विकल्प न मखु।’

उगु छलफलय् नेता पौडेल, महामन्त्री डा. शशांक कोइराला, पूर्वमहामन्त्री सिंह, केन्द्रीय सदस्य अर्जुननरसिंह केसी, डा. मिनेन्द्र रिजाल व बलबहादुर केसी सहभागी जुगु खः। कांग्रेसया क्रियाशील सदस्यता विवादया कारण महाधिवेशन अन्योल जुगु खः। भदौ १६–१९ तक याये माःगु केन्द्रीय महाधिवेशन क्रियाशील सदस्यताया कारण अनिश्चित जुगु खः।

Categorized in राजनीति