स्वास्थ्य तथा जनसङ्ख्या मन्त्रालयं कोरोना भाइरसविरुद्धया खोप बिइगु निति खोप केन्द्र थप यगु दु।

मन्त्रालयया सहप्रवक्ता डा समिरकुमार अधिकारीें खोप काइपिन्स हुल यागुलि खोप केन्द्र थप यागु दु धका धागु दु। वयकःया कथं देयन्यक द्धःछि मल्याक दुगुलि आः हाकन १ हजार ४३३ खोप केन्द्र थप यागु दु।

न्हापा २ हजार ९८९ खोप केन्द्र दुगु आः ४ हजार ४२२ थ्यंगु दु। अथेहे स्वनिगलय् ८३ खोप केन्द्र थप याना १४९ थ्यकूगु दु। न्हापा स्वनिगलय् ६६ खोप केन्द्र दुगु खः।

सरकारं २०७७ माघ १४ गते तक नेपालय् कोरोना भाइरसविरुद्धया खोप बिइगु शुरु यागु खः । आः तक नेपालय् ४४ लाख ३ हजार २१ म्हेसिया न्हापागु मात्रा व २२ लाख ८ हजार ५५ म्हेसिया पूर्ण मात्राया खोप काये धुकुगु दु।

Categorized in राष्ट्रिय