सिंगापुर छ्वये धका २ करोड ६१ लाख ५५ हजार रुपैयाँ ठगी यागु द्धपनय् छम्हेसित ज्वंगु दु।

समृद्धि अब्रोड नांया कन्सलटेन्सीया मार्केटिङ म्यानेजर येँ महानगरपालिका–६ बौद्ध च्वम्ह धादिङ त्रिपुरा सुन्दरी गाउँपालिका–४ या ३९ दँ दुम्ह दीपबहादुर गुरुङयात प्रहरीं ज्वंगु खः।

ध्यवा कया सम्पर्कविहीन जुगु उजुरी वंगुलि प्रहरी वृत्त मालिगाउँपाखे खटे जुपि प्रहरीं गुरुङयात ज्वंगु खः। धादिङ थाक्रे गाउँपालिका–८ या ४२ दँ दुम्ह निमा लामां येँ महानगरपालिका–५ हाडीगामय् संचालन याना तःगु कन्सलटेन्सीपाखे करिब ७८ म्हेसित सिंगापुर रोजागारीया लागि छ्वया बिइ धका भिजा प्रोसेस लगायतया लागि धासे उगु ध्यवा कागु द्धपः बिगु खः।

ठगीइ संलग्न कम्पनीया संचालक नाप  मेपि प्यम्ह मालिइगु ज्या जुयाच्वंगु दु धका प्रहरीं धागु दु।

Categorized in अपराध