भारतय् कोरोना भाइरस (कोभिड–१९) संक्रमित जूपिनिगु ल्या म्हो जुया वंना २८ हजारय् क्वहावंगु दु।

भारतया स्वास्थ्य तथा परिवार कल्याण मन्त्रालयया कथं न्हिया न्हिथं न्हुपि संक्रमित जूपि १४७ दिं लिपा दकलय् हे म्हो जुगु खः।

वंगु २४ घण्टाय् भारतय् १५ लाख ११ हजार स्वया अप्वोसिगु नमुना कोरोना परीक्षण यागु खः। अथेहे कोरोना संक्रमणं कारण ३७३ म्ह सीगु खः।

थ्व नाप आःतक भारतय् कोरोना संक्रमणं सीपिनिगु  ल्याः४ लाख २८ हजार ६८२ म्ह थ्यंगु दु। भारतय् कोरोना सक्रिय संक्रमितपिनिगु ल्याः ३ लाख ८८ हजारय् कुहावंगु दु।

आःतक भारतय् ५१ करोड ४५ लाख डोज कोरोना खोप मनूपिन्स काये धुकुगु दु।

Categorized in अन्तर्राष्ट्रिय