लुम्बिनी प्रदेशया भौतिक पूर्वाधार तथा विकास मन्त्री सन्तोष कुमार पाण्डेय न थःगु पदपाखे राजीनामा बिगु दु।

सिद्धान्तया राजनीति यायेगु कथं जननिर्वाचित प्रतिनिधिं नैतिकताया आधारय् सरकारपाखे लिहावये बालागु खनेदुगुलि व जसपां थःगु मन्त्रीपि लितः सत्येगु निर्णय यागुलि मन्त्री पदपाखे राजीनामा बियागु धका पाण्डेयं धागु दु।

वंगु वैशाखय् मन्त्री जूपि पाण्डेय नाप विजय यादव व कल्पना पाण्डेययात जसपां सरकारपाखे लिहावयेत धागु खः। लिहा मवगुलि कारबाही यासे सांसद पद हटे यागु खः। उगु निर्णयविरुद्ध स्वम्ह हे अदालत वंगु खः।

तर अदालतं अन्तरिम आदेश बिइत अस्वीकार यागु खः। रुपन्देही क्षेत्र नम्बर ३ (१)पाखे विजयी पाण्डेयं मन्त्री पद त्यागे यास विजय यादव व कल्पना पाण्डेय धासा सरकारय् कायमय् दनिइ।

लुम्बिनी प्रदेशसभाय् जसपाया खुम्ह सांसद दु।

Categorized in राजनीति