२०८० चैत्र १५, बिहिबार

प्रम देउवां संस्थापनइतर समूहया नेतापिनाप छलफल सुरु

लहानान्युज | गुंलाथ्व तृतीया ११४१,साउन २७ बुधवाः

निर्धारित तिथिइ महाधिवेशन मजुइगु निश्चित जुइवं नेपाली कांग्रेसया सभापति नाप प्रधानमन्त्री शेरबहादुर देउवां न्हुगु कार्यतालिकाबारे संस्थापनइतर समूहया नेतापि नाप अनौपचारिक छलफल सुरु यागु दु।

भदौ १६–१९ य् हे महाधिवेशन यायेमाः धका वरिष्ठ नेता रामचन्द्र पौडेल नेतृत्वप्रति बढी आक्रामक जुइवं सभापति देउवां संस्थापनइतर समूहया प्रभावशाली नेतापि नाप छलफल यागु दु। मंगलबाः प्रधानमन्त्री देउवां संस्थापनइतर समूहया नेतापि डा. शेखर कोइराला, डा. मिनेन्द्र रिजाल व गगनकुमार थापापि नाप बालुवाटारय् महाधिवेशनया न्हुगु कार्यतालिका बारे छलफल यागु खः।

देउवां साउन २८ गते केन्द्रीय समिति बैठक सःतूगु दु। बैठकय् महाधिवेशन कार्यतालिका व निर्वाचन निर्देशिकाय् छलफल यायेगु कार्यसूचीइ दु। येँ निन्हुयकं न्ह्यागु पौडेल पक्षीय जिल्ला सभापतिपिनिगु भेलां भदौय् हे महाधिवेशनल यायेमाःगुलि अधिकांशपिन्स बःबिगु खः। पार्टी वैधानिकता ल्यकेगु लागि विशेष महाधिवेशन जूसा निर्धारित इलय् हे यायेमागुलि अधिकांश जिल्ला सभापतिपन्स सःतगु खः।

Categorized in राजनीति