कुलमान घिसिङं नेपाल विद्युत प्राधिकरणया कार्यकारी निर्देशकयागु नियुक्तिपत्र बुझे यागु दु।

सोमबाः च्वंगु मन्त्रिपरिषद् बैठकं घिसिङयात प्राधिकरण कार्यकारी निर्देशकय् नियुक्त यागु खः। बुधबाः ऊर्जा, जलस्रोत नाप सिँचाइमन्त्री पम्फा भुसालया उपस्थितिइ मन्त्रालयया सचिव देवेन्द्र कार्की न घिसिङयात नियुक्तिपत्र प्रदान यागु खः।

२०७७ भदौय् थःगु प्यदँया कार्यकाल पुरा याना विदा जुम्ह घिसिङ हाकनं प्राधिकरणय् लिहावंगु खः। २०७३ सालय् कार्यकारी निर्देशक नियुक्त जुम्ह घिसिङं थ्व स्वया न्ह्यया कार्यकालय् देशयात लोडसेडिङमुक्त यायेगुलि प्राधिकरणया नेतृत्वदायी भूमिका म्हितूगु खः।

वंगु साउन १९ गते हे ऊर्जा जलस्रोत तथा सिँचाइ मन्त्री पम्फा भुसालं प्राधिकरणया वर्तमान कार्यकारी निर्देशक शाक्ययात पदपाखे राजीनामा बिया ग्वहालि यायेत इनाप यागु खः।

Categorized in राष्ट्रिय