शेयर बजाःया परिसूचक नेप्से थौं बुधवाः सामान्य थहावंगु दु।

नेप्से थौं शून्य दशमलव ९४ अङ्कं थहावना ३ हजार १ सय ६२ दशमलव ५९ विन्दुइ थ्यंगु दु। थौं होटल समूहया शेयर १ सय ३ अङ्क थहावंगु दु।

अथेहे जलविद्युत् समूह १ सय ४४ अङ्क, माइक्रोफाइनान्स ८ अङ्क, जीवन बीमा समूहया शेयर १० अङ्क व निर्जीवन बीमा समूहया शेयर ४३ अङ्क थहावंगु दु। बैंक, विकास बैंक, व्यापार, फाइनान्स, मेमेगु व उत्पादन समूहया शेयर धासा घटेक जुगु दु।

आईसीएफसी फाइनान्स, रिडी हाइड्रो, रुरु जलविद्युत्, जीवन विकास लघुवित्त, युनियन लाइफ व नेपाल इन्फ्रास्ट्रक्चर एन्ड डेभलपमेन्ट बैंकया शेयर १० प्रतिशत बढे जुगु दु। म्हिगः सामान्य घटे जुगु जलविद्युत् समूह थौं हाकनं थहावंगु दु।

जानकी फाइनान्सया शेयर थौं दकलय् अप्वो ४ प्रतिशत घटे जुगु दु। २ सय ३० कम्पनीया २ करोड ७२ लाख ९८ हजार कित्ता शेयर १५ अर्ब ४५ करोड ५५ लाख रुपैयाँ बराबरया किनबेच जुगु दु।

दकलय् अप्वो माथिल्लो तामाकोशीया ६८ करोड ३० लाख रुपैयाँ शेयर किनबेच जुगु दु।

Categorized in राष्ट्रिय