मुख्यमन्त्री शंकर पोखरेलविरुद्ध वंगु अविश्वास प्रस्तावय् छलफलया लागि शुरु जुगु लुम्बिनी प्रदेशसभाया विशेष अधिवेशन स्थगित जुगु दु।

विशेष अधिवेशन न्ववासे मुख्यमन्त्री पोखरेलं राजीनामा बिइवं अधिवेशन स्थगित जुगु दु। बुधबाः न्हिसिया १ बजे शुरु जुगु विशेष अधिवेशनय् नेपाली कांग्रेस, नेकपा माओवादी केन्द्र, जनता समाजवादी पार्टी व राष्ट्रिय जनमोर्चाया सांसदपिन्स अविश्वास प्रस्तावय् न्ववागु दु।

सत्तारुढ नेकपा एमालें बहिस्कार यागु प्रदेशसभाय् मुख्यमन्त्री न अनुपस्थित जुगुलि सभामुख पूर्णबहादुर घर्तीं मुख्यमन्त्रीया लिसः बिइगु लागि प्रदेशसभा १ घण्टाया लागि स्थगित यागु खः।

उगु बैठकय् प्रदेश प्रमुख  कार्यालयपाखे वंगु मुख्यमन्त्रीया राजीनामा सम्बन्धी पौ ब्बना प्रदेशसभा बैठक हाकन स्थगित यागु खः।

Categorized in राष्ट्रिय