गरिब निमुखापिन्सं सितिकं विद्युत छ्यले दइगु
लहनान्यूज | गुंलाथ्व तृतीया ११४१,साउन २७ बुधवाः
उर्जा, जलस्रोत लिसें सिँचाई मन्त्री पम्फा भुषालं सरकारं २० युनिट तक्क मत च्याकिपिं गरिब व विपन्न जनतायाके विद्युतया शुल्क मकायेगु धाःगु दु ।
थौं मन्त्रालयय् जूगु पत्रकार सम्मेलनय् वय्कलं आयातित ग्याँसयात विस्थापन याना स्वदेश हे उत्पादन जुइगु विद्युतया उपभोग अप्वकेत विद्युत महशुल दरय् समायोजन यायेगु निर्णय जूगु जानकारी बियादिल ।
किसानयात सिचाइँया नितिं विद्युतय् अधिकतम सहुलियत बिइगु निर्णय नं जूगु धयादिल । ‘विदेशी ग्याँस त्वते, स्वदेशी बिजुली स्वाय्” धैगु नारा लिसें विद्युतीय भुतू छ्यलाबुलाय् हयेगु वय्कया धापू खः ।
थुगुसी हे ५०गू विद्युतीय गाडी चार्जिङ स्टेशन नं दयेकेगु व हेभि ड्युटीया गाडी बाहेक ऊर्जा मन्त्रालय मातहया ज्याकूथिइ विद्युतिय गाडी न्यायेगु नं धयादिल ।
