अफगानिस्तानया चरमपन्थी संगठन तालिबानं निगुगु तधःगु शहर कन्दाहार न थःगु कब्जाय् कागु दु।

थुगु शहर छु ई तालिबानया महत्वपूर्ण पकड दुगु शहर खः। रणनीतिक हिसाबं थुगु शहर तसकं महत्वपूर्ण खः। थुकियात अफगानिस्तानया ट्रेड हबया रुपं कायेगु याइ। अन्तर्राष्ट्रिय समाचार संस्था रोयटर्सनाप खँ ल्हासे स्थानीय सरकारया अधिकारीं धागु दु, ‘वंगु तधःगु भीडन्तय् तालिबानं कन्दाहार शहरयात नियन्त्रणय् कागु दु।’

थ्व स्वया न्ह्य बिहीबाः हेरात व घान्जी शहर न तालिबानं कब्जा काये धुकुगु दु। अथेहे अमेरिकां थःगु दूतावासया कर्मचारीपिनिगु उद्धारया लागि ३ हजार सेना अफगानिस्तान छ्वंगु दु। अथेहे बेलायतं न थपिनिगु नागरिकपिन्त देय त्वतेगु ग्वाहालिया निति अस्थायी रुपां ६ सय सैनिक छ्वयेगु निर्णय यागु खः।

Categorized in अन्तर्राष्ट्रिय