२०८१ बैशाख १०, सोमबार

नक्कली भ्वँ दयेका ठगे यागु द्धपनय् प्रहरीं छम्हेसित ज्वन

लहानान्युज | गुंलाथ्व षष्ठी ११४१,साउन ३० सनिवाः

नक्कली भ्वँ दयेका बैंकं ऋण कया ठगी यागु द्धपनय् प्रहरीं छम्हेसित पोर्चुगलपाखे ज्वंगु दु।

सवारी दर्ता प्रमाणपत्र नक्कली दयका तत्कालिन देवः विकास बैंकं २ करोड ७१ लाख ७६ हजार रुपैयाँ ऋण कागु द्धपनय् काभ्रे भुम्लु गाउँपालिका–१ या ४३ दँ दुम्ह केदार ढुंगानायात पोर्चुगलय् ज्वंना साउन ३० गते नेपालय् हःगु दु धका प्रहरीया केन्द्रीय अनुसन्धान व्यूरा न धागु दु।

नक्कली भ्वँ दयका  ऋण कयार लिखतसम्बन्धी कसूरया अभियोगय् जिल्ला अदालत यलय् ढुगाना नाप मेपि १२ म्हेसित दोषी ठहर यासे दच्छि कैद व ७० हजार रुपैयाँ जरिवानाया सजाय न्यकूगु खः। आः ढुंगाना नाप मेपि १२ म्ह काठमाडौं जिल्ला अदालतय् लिखतसम्बन्धी न्यागु मुद्दा व उच्च अदालत यलय् बैंकिङ कसूर सम्बन्धी १६ गु मुद्दा विचाराधीनय् दु।

मुख्य आरोपी ढुंगाना विदेशय् दुगु जानकारी वयेव प्रहरीं २०७५ पुस १७ गते इन्टरपोलपाखे डिफ्युजन नोटिस जारी यागुखः।

Categorized in अपराध