नेकपा माओवादी केन्द्रया केन्द्रीय समितिया बैठकय् अध्यक्ष प्रचण्डयागु राजनीतिक व सांगठनिक प्रस्तावय् छलफल सुरु जुइगु दु।

अध्यक्ष प्रचण्डं पेस यागु संगठनात्मक, राजनीतिक व विधान सम्बन्धी प्रस्तावया विषयय् आइतवार ११ बजे निसे छलफल सुरु जुइगु कार्य तालिकाय् दु। उगु प्रस्तावय् छलफल यायेत केन्द्रीय सदस्यपिनिगु च्यागु पुचलय् ब्बथःगु दु। समूहगत रुपं छलफल याना टोली नेतां निष्कर्षनाप बैठकय् पेश याइगु धका नेता नारायणकाजी श्रेष्ठ (प्रकाश) न जानकारी बिगु दु।

नेकपा माओवादी अध्यक्ष प्रचण्डं शनिबाः बैठकय् च्यागु पाना राजनीतिक व सांगठनिक प्रस्ताव पेश यागु खः। उगु  प्रस्तावय् वइगु निर्वाचन तक वाम–लोकतान्त्रिक गठबन्धन कायम यायेगु लगायतया विषय दथ्याकूगु दु। उगु प्रस्तावय् पुस ११ निसे १३ गते तक राष्ट्रिय सम्मेलन यायेगु प्रस्ताव तःगु दु।

भदौ मसान्त तक पार्टी सदस्यता नवीकरण व वितरण अभियान न्ह्याकेगु, असोज १० गते सेल व टोल भेला यायेगु, २० गते वडा सम्मेलन, ३० गते पालिका सम्मेलन, कात्तिक ३० गते जिल्ला सम्मेलन व मंसिर १५ गते प्रदेश सम्मेलन यायेगु प्रचण्डं प्रस्ताव तःगु खः। केन्द्रीय महाधिवेशन मजुतले २९९ सदस्यीय केन्द्रीय समिति दयकेगु प्रस्ताव प्रचण्डं यागु दु।

Categorized in राजनीति