वंगु वाःया न्हापागु दिं शेयर बजार परिसूचक मापक नेप्से घटे जुया उत्पादन व माइक्रो फाइनान्सबाहेक मेमेगु समूहया शेयर घटेजुगुलि नेप्से २४ दशमलव ८८ अङ्कं घटे जुया ३ हजार १५४ दशमलव शून्य ३ विन्दुइ कुहावंगु खः।

थौं धासा नेप्से घटे जुया कारोबार रकमय् न्हुगु कीर्तिमान दयकूगु दु। थौं २ सय २२ कम्पनीया ३ करोड ५५ लाख ५० हजार कित्ता शेयर २१ अर्ब ६४ करोड रुपैयाँया किनबेच जूगु दु। थ्व धइगु नेपाली शेयर बजारया इतिहासय् छन्हु हे दकलय् अप्वो कारोबार जुगु खः।

थ्व स्वया न्ह्यः छन्हु हे कारोबार २० अर्ब रुपैयाँ स्वया अप्वो थ्यंगु मदुनि। थ्व स्वया न्ह्यः दकलय् अप्वो नेपाल बैंकया १ अर्ब ५ करोड रुपैयाँया कारोबार जुगु खः।

रिडी हाइड्राया शेयर दकलय् अप्वो साढे ८ प्रतिशतं घटे जुगु खः। अथेहे रसुवागढी हाइड्रो, श्री इन्भेस्टमेन्ट फाइनान्स, रसुवागढी हाइड्रो लगायतया शेयर ६ प्रतिशतं अप्वो घटे जुगु खः।

समग्र बजाः कुहावंसा खानीखोला हाइड्रो, जीवन विकास लघुवित्त व युनियन लाइफ कम्पनीया शेयर १० प्रतिशतं थहावंगु दु।

Categorized in राष्ट्रिय