नेकपा एमालेया सचिव योगेश भट्टराई नं प्रधानमन्त्री शेरबहादुर देउवां दल विभाजन सम्बन्धी अध्यादेश विनाशर्त लितकायेमाः धका धागु दु।

सरकारं दल विभाजन सम्बन्धी अध्यादेश जारी यायेवं प्रतिक्रिया बिउसे सचिव भट्टराई नं राजनीतिक दलया विभाजनयात अपूकेत अध्यादेश जारी यागुलि देय् अस्थिरता व अराजकतापाखे यकेगु सुनियोजित षडयन्त्र जुगु धका दाबी यागु दु।

वंगु दिं थे फोहोरी राजनीतिक अध्यासपाखे शिक्षा मकायेगु व पुलागु गल्ती यायेगु नेतृत्वया असफलता जुगु धका भट्टराई न टिप्पणी यागु दु। अथेहे पार्टी एकताया लागि अध्यक्ष केपी शर्मा ओली व वरिष्ठ नेता माधवकुमार नेपालं छु भचा लिहा वना त्याग यायेमाः धका धागु दु। वयकल धागु दु, ‘थौंया दिं प्रधानमन्त्री शेरबहादुर देउवां थुगु अध्यादेश बिनाशर्त फिर्ता लितकायेमाः धका धागु दु।

कमरेड केपी ओली व कमरेड माधव नेपालं मुलुक व भावी पुस्ताया भविष्ययात लुमका छु भचा लिचिला त्याग याना सम्झौता यायेमाः।’

Categorized in राजनीति